Lo folohi -Trio sila'i

Fehedeu no utandra badődő
Wa lő  khőu fanahisa dődő
Irege fa’omasi lő mamalő
He adudu danő

Lő tődő wangalui tanő bő’ő
He na so főna duduma hőrő
Lő fulitő bő’ő ha khőu so wa’ohahau dődő
Akhi… akhi omasiő

Reff==

Me inőtő ube’e li khő ndra satuamő
Lawaő khőgu hadia zi no so khőmő
Me lő la tehedo mőido umőnő
Ikhamő bakha tődő No ambő fa’abőlő

Alai dődőgu ndra’o si lő satua talifuső
Me’e bakha dődőgu Mowői dawa hőrő
Itőrő tődőgu zatua samaeri ya’o…

FOFANOGU INA- Rocky Be Duha

Batole wangenu  he inagu
Ohahau’õ  dõdõu  wofanõgu
Fatahõ dangamõ  lau angandrõ salahigu
Mofanõ lõ olohi dõdõgu

Fatahõ dangamõ lau angandrõ salahigu
Mofanõ lõ olohi dõdõgu
Fefu mene mene heinagu
noutanõgõ ba mbõrõ dõdõgu

Yamõi fangabõlõ simõi si’o wofanõgu
Sitobali dela howu-howu
Yamõi fangabõlõ simõi si’o wofanõgu
Sitobali dela howu-howu

Reff==
Me lõ tõtõnafõ ba mbanuaAmbõ gõlõ wangalui soguna
Andrõ mõido ba danõ sebua
Maatõ so dania gamaehuta
Fofanõgu  ina lõ arara

Mangawulido dõfi fõnada
Naitõrõ tõdõu ndrao faigi haga mbawa ina
Ufaoheõ khõmõ duria
Naitõrõ tõdõu ndrao faigi haga mbawa ina
Ufaoheõ khõmõ duria.

“Lau onogu, lo khogu fanaha bawofanou, afokho ae dodogu onogu
Balo ufalua dawa horogu, metenga fabalosa watebua gaheu
Yangahono malika zondorogo mbeka-bekau
Baboi olifugoo zitoroi moroi furi nano osonda gohito dodou”

Boi fatahi-tahi Rocky Duha

Bõi fatahi – tahi nalõ nisõndrau gohitõ dõdõmõ
Fuli basi khõu dõdõ hanasa wasimanõ
Bõi’õ halõ sundru tõ,  õ’ohe õsao’õ wõnumõ khõ niha bõ’õ
Atõ tenga lala oya  zifatimba õrõi sa ia lõ’õ bu’a

Andõ bõi hole’õ fefu ndrege ni’oroi’õ zatua
Bõi oahasi badõdõ me’ebua wangi’ila
Hasa’ozu salua natafalua ia tenga soroi badõdõda
Fefu zino’alua tasekhegõ tõdõ tabe ia fangelama

Reff ==

Arõu’õ wayawa hadia na fatiusa
Bõi fatahi – tahi, bõi fatahi – tahi
Mesilõ boto khõu da’õ.

Boi so watahisa - Ratosa

Bõi so watahisa nakhi
Wayaodo arõu fabõõ ba zilalõ
Fefu zino ufalua khõmõ
Bõrõ gõi lagumõ sino arou fabõ’õ

No’õalui khõu niha bõ’õ
Meno irõi’õ edõna ofuli’õ
Fa’afõkhõ dõdõgu, Bazino õlau khõgu
Duhu tebai gu’olifu

Reff==

Gõtõ wefaoda ba zilalõ
Bõi sa’ae itõrõ tõdõ
Laua ube’e saohagõlõ
Bõi sae õ’fuli’õ

Henaduhu afõkhõ
Wabalisagu khõmõakhigu ni’omasiõ
Laua urara dõdõ, meno tenga  fangandrõ
Tenga nahia tenga lõfõ.

FAEHU MBOWO - Rocky BE Duha

   Andõ wa uwuwu tete
    lö ufadou sa'ae lahe
    No atage dõdõgu bawangehene
    Tobönö khi ginõtõ si 8 fakhe

Bawa wanese möi ndao
Bua wamasigu wonoro
Delagu bawangai dõdõ zatua baomo
Wara hadia uwaö melõ sa faaolo
andrõ uwuwu tete furi ufofanõi guro

    Metalu mbawa si 9 usofu daromalira
    Lawaõ khõgu lõfatimba naso fefu nibuugõra
    He akhi abua sibai noro nibe'eu bagalisi
    No uhaogõ wangerai ahuwa hõgõ lõ awai

Hana lafo'ora-ora lafobosi
faehu mbõwõ tuka mazai faehu mbõwõ matiri
Hewa'ae siso bafaka ba balikhökhi
mendrua manõ ndrao niha tani

Ufaema Wangowai- Rocky BE Duha

Hadia no'öila waomasigu si lo utuaö
Wangumaö khou sino uirö’ö
wa'omasigu ndaugö

    Edöna utandaigö
    moroi ba mbewegu na ufatunö
    Hewisa lalagu ba wangumaö
    lö faabölö meno ambö tödö

Moroi ba ruru nangi ufaema wangowai
Hayae ligu sisökhi ae fasao khonia li faomasi

    Moroi ba ruru nangi
    uoroisi wangowai
    Hayae dodo sisökhi
    Ae fasao khö nia li faomasi.

NO OTEHE ZAMELI - Rocky BE Duha

No mondröfi wahuwusada nakhi
Lö irai ube'e khömö zowökhi
Tödögu khömö maifu lö sitobini
Tanö ba dödöu ligu sisökhi

    Khala-khalamö tebai taya nakhi
    He nano aröu danögu wekoli
    Da tafaoma mangandrö salahi
    Ena'ö tola zui falakhi

Reff::

Lö'ara urongo duriamö nakhi
Khö niha sifangai yomo khömi nakhi
Wa ya'ugö, wa ya'ugö ötehe zame'eli...
No'ö tehe zame'e li.

BALOI KHIGU - Rocky BE Duha

Baloi khigu taha ua dödöu
Fefu zino tafabu’u
Tenga lö ba dödögu
Walö alio aozu...uu...
So zimoi taha-tahagu

    U andrö khou böi lau’ö ba mbö’ö
    Aro’ö dödöu khögu
    Boi fodombua dödömö
    Naso atö ginötö
    Ba talau mongambatö

Reff:
            Faduhusi todou akhigu
            Fefu zino uwa’ö khöu
            Tenga hasalua ba mbewegu
            No si’oroi ba dödögu
            Sindruhu-ndruhu
            Hayaugö zino ufili ba wa’aurigu

FULI'O HE AMA

Fulio heama..fulio he ama
Hato fee khoma onou sinumana.

Satuama sofano.. Sofano maokho
Oroi dalifuso.. Onou omasio.
Odolo fofano.. Lomangawulio
Osawa lewato.. Nahia mboto tano.

    Oroi mbalo halo halowo.. Sino oangerago
    Waato okhamo.. Soguna bandaonomo..
    Henamofokhoo lomangaro ngaro
    Odoni doniö hewaae tebaio

Lau'ua Mano - Folala Zalukhu

Arõrõu ba dõdõ ero na uila’õ
Fao’õ ba niha bõ’õ
No õwao wamobõrõ mbu’usa li mõ
Fa’omasimõ lõ irai amualagõ ba niha bõ’õ

    Hana watebulõ dõdõu omasi’õ..olifuõ gangetulamõ
    Hadia zalagu khõmõ walõfatunõ
    Nau angeraigõ lõmanõ irai ulau khõu zafõkhõ

Reff:
Hadia duhu dõdõmõ ulau’õ khi ba niha bõ’õ
Lõ manõ famatimba khõgu he tuho dõdõ
Khõu so dõdõmõ, ere-eremõ lõwauila ufaso’õ

    Awai zafatõ dõdõ melõ hadõi khõu famatunõ
    Hulõ nalõ irai fahuwu ita ba zilalõ
    La’ua manõ ubologõ dõdõ ma tenga fangandrõ.

Busi-busi dodo

Busi…. Busi – busi dõdõgu nakhi...

Zino tawaõ notazazi

Tenga…. Tenga lõ ba dõdõgu nakhi...

Nalõ alua wawu’usa li

A’oi mbawa a’oi zidõfi...

Hulõ urõrõ’õ ba  wangifi

Aitõ mbanua nabazibongi....

Si manõ dõdõgu wa’ogõmi

Go’õ…..Go’õ li ndra amada nakhi.....

Meno latehe zame’eli

La’ua… la’ua saohagõlõgu nahki.....

Zino ufalua fa’omasi

Reff :

Ya’e hulugu sonoro hadia wõnu....

Naduhu õbe’e salagu

Ya’e mbotogu gofu hadia ululu....

Na duhu õ’andõ nosogu

Badõdõgu so gõi gawõkhu...

Awai’i tebai uohe fõnu

Ube’e fondara dõdõgu   

Metenga nahia tenga tõnu.

BAHIZA NAFABALI MBURU'U

Bahiza nafabali mburu’u
Banafarõi wune hawu
Fabali fa’ero hulu
Farõi fabe haru-haru

    Bana farõi zifahuwu
    Nafarõi zisara tõdõ
    Badõdõra agafõkhõ
    Hafalõ la’oroma’õ

Reff:

Mofanõ tenga ni’odõdõgõ
Farõi tenga sifa’udu
Hame fabõ’õ lala wofanõ
Orudu badõdõ

ENA'O NASO'O BAZINGAGU

Ena’õ naso’õ bazingagu
hawa’asõkhi bakha dõdõgu
Me itaria itõrõ tõdõgu
mo’ala khõgu nidanõ hõrõ

No ufalala sa wanayaigõ
no’ufalala sa uhani – hanigõ
Utandaigõ ufakifu hõrõ
balõ taya badõdõ nda’ugõ

Reff :
    He uwisa wangalui lala
    ena’õ  falukha ita
    Meso nasi otaluada
    samabali yaita

    Tengamai owõkhi ba’agafõkhõ
    wahuwusada sino lumalõ
    Metenga nahia metenga lõfõ
    tafaoma tabologõ dõdõ.

Badalu Mbawa Sisiwa

Badalu mbawa sisiwa.... 

Meterongo duriau he amagu
Badanõ rato sononomõ...

Meterongo duria wa’abu dõdõ

Heza ulaudo ama heza usawa ama.... 

Heza utõrõi danõ wamaigi ya’ugõ

lõ sa’ae si fa’ago bawa ita safuriata ( ama ….)
Hadia horõgu sebua sino ufalua    ( ama ….)
Heza ulaudo ama heza usawa ama
Heza utõrõi danõ wamaigi ya’ugõ

Telefo sofeta yomo moroi banahia  sarõu siso ya’o
Khõ ninagu fahuhuodo.. Fe’e nia zawakhõ – wakhõ urongo

Hewisa wolauda nogu irõi ita fefu
Fuli’õ onogu aerara dõdõgu

Lõ’UASISI (Frans Buluaro)

Afuriata me uwa’õ khõmõ ulau mofanõ
Ufabu’u fahõlu khõmõ lõ niha bõ’õ
He ara fabali
Hasambalõ nda’o mangawuli

Ha si’ai fa’urugi danõ wekoli
No’õalui zimõi salahi mbotogu nakhi
Uwai õbaloi gamabu’ulagu
Sino õzazi

Reff :

La’ua lõ usaisi, zomasi dõdõmõ
Ube saohagõlõ
Sosa khõgu dõdõ, fatahisa khõmõ
Ha wa tenga mbõrõta õwa’õ

Hana-hana dododmo (Yusman Lase)

Hana hana dodomo

Wa I azumaigo tebulo Wa omasimo…
Manofu nofu bakha dodo
Hadi sala si no ulau khou
Wa fabo’o legau lagumo… akhigu…

Fefu si no uwao khou
Wa faomasigu khou khigu lotebulo
Boi ofondrondrongo li mbo’o
Na so zangumao samatuno
Fehedeu li simoi famabali… Akhigu
Khomo dodomo

Reff//
No sa ufabu’u badodo
Wa hayaugo omasi’o
Nawo ba wa’auri
Irugi atua mboto tano

He ilau teu he ilau lokho
Fa’omasigu lo tebulo
Asala todomo
Lo tebulo khi omasi’o

Da'utuno khou ngaro dodogu

Da utunö khöu ngarö dödögu
Fa’omasigu lö fa’awuwu
Me haya’ugö dötönafögu
Tuho dödögu salua ba wangifigu

No uwaö no utunö me mböröta
Wa ya’o numana lö satua
Duhu no uwaö tödöu falö faniasa
Na no a’ozu gohitö dödöda

Reff:
Fehedeu nakhi no ube ba dödö
Wa lö fatimba khöu ndrao me lö halöwö
Fa’anumana tosasa ba tataögö
Darua ita tabu’a wo’ömö

Hada’ö zi tobali taha-taha
Me iwaö tödö möi famatua
Ebua mböwö i’andrö amada
Börö mbosi hada si lö taya..

U'ila Kofa Sihombo

U'ila göfa sihombo ba dalu mbanua
Wa omasi dödögu wamaigi-maigi
Enaö na uila humombo
Faodo ba ruru nangi
Möido ba ziso yaugö yawa ba ndöfi

Fa oyo mbunga kasumbo dödögu khömö
No hulö nungo nidanö saekhu ba nasi
Mangele waomasigu sino ohau-hau
Bongi ma'ökhö ha yaugö ziso ba dödögu

Reff :
Yae dangagu u'oroö ube'e khömö
Ohedo ba ziso yaugö
Lö fangiwa dödö me yaugö so bangaigu
Tasawa nahia sohahau tödö..

Boi so khöu niha bö'ö
Tödögu ube'e khöu
Tafao wofanö fatua so ginötö